VIII Festival Vertixe Sonora 2020
Concerto

E-@rt Hip-Hop

Ensemble D’arts

Mércores 4 Novembro / 20:30H
Auditorio do Concello
Vigo

para dous bailarinos, violín, saxofón, electrónica, video e iluminación.

Unha proposta de Miguel Ángel Berbís e Pere Vicalet con Ensemble D’arts e os bailarinos Miriam Valero e Drian Hernández que combina creación contemporánea e danza urbana. A estrea mundial da produción máis recente de Ensemble d’Arts é un espectáculo multimedia onde a música, os movementos corporais, o vídeo e a iluminación intégranse para formar unha experiencia única.

Miriam Valero, Drián Hernádez bailarinos
ENSEMBLE D’ARTS Xelo Giner, saxofón | Jenny Guerra violín | Pere Vicalet, Miguel Ángel Berbís electrónica e iluminación

Ensemble d’Arts, fundado en 2012 con sede no Auditori Rafelbunyol (Valencia, España), é unha das formacións máis vangardistas no panorama actual da música electroacústica en Europa. Está formado por solistas de gran traxectoria e moi comprometidas coa música de nova creación, así como coas novas tecnoloxías aplicadas a esta. O Ensemble conta no seu repertorio con obras tanto de solista como de conxunto, alternando nos seus programas obras de artistas de gran prestixio con novos talentos emerxentes, o cal permite a posta en escena de propostas moi versátiles e atractivas para o espectador. Entre elas cabe destacar diferentes producións orixinais como son o proxecto en trío ElectroSounds, os programas a só Soloist Works Series, e os proxectos de ensemble; Ausiàs March i o Foll Amor, o concerto para cans Fantasía Canina, ou o proxecto didáctico O viatge de Meniña.

Ensemble d’Arts é ademais grupo residente e organizador do Rafel Festival, un festival internacional anual no que participan algúns dos ensembles e solistas máis representativos da escena actual nacional e internacional, e que inclúe desde 2018 o concurso internacional de interpretación de música de nova creación re_cre@.