I Festival Vertixe VIGO 2013
Experimenta 2013
Obradoiro

Introdución ao ámbito de audio dixital SuperCollider

Miguel Negrão

19/10/2013 - 20/10/2013
0€
MARCO
Vigo

SuperCollider é un ámbito e linguaxe de programación destinada á composición algorítmica e a síntese de audio dixital en tempo real. Consiste nunha linguaxe interpretada orientada a obxectos que funciona como un net-client dun servidor de síntese de son en tempo real. SuperCollider foi creado por James McCartney e actualmente é un proxecto de código aberto (GPL) mantido e desenvolvido por unha comunidade en rede. É usado tanto por músicos e artistas coma por científicos.

Neste obradoiro de introdución a SuperCollider, Miguel Negrão encargarase de guiarnos polos aspectos fundamentais do ámbito:

  • Introdución ao ámbito de audio SuperCollider.

  • Instalación e configuración.

  • Definicións de síntese, UGens.

  • Sinais periódicos, sinais dixitais.

  • Osciladores, xeradores de ruído.

  • Envolventes.

  • Synths.

  • Coleccións e estruturas de control.

  • Técnicas de síntese de audio: Síntese aditiva, AM, RM, FM.

  • Técnicas de síntese analóxica e síntese subtractiva.

  • Manipulación do servidor na linguaxe: Buses, orde de nodos, grupos, SynthDefs.

  • Scheduling, tasks, routines

  • Interacción co mundo real: MIDI, OSC.

Máis información e descargas: http://supercollider.github.io/

Información e inscripcións: institutogalegodesonoloxia@gmail.com

  • Inscripción: 20 €

  • Número máximo de participantes: 12

  • Destinatarios: músicos, artistas, científicos e público en xeral

 

Miguel Negrão é un artista sonoro nacido en Lisboa en 1981 que vén realizando proxectos de Drone e Ambient baixo o pseudónimo ZLB dende principios do novo milenio. Presentou a súa música en concertos por Portugal, España, Holanda e Alemaña, e compuxo pezas para o Wave Field Synthesis System da Fundación Game of Life (NL) e o Acousmonium do GRM (FR).

Licenciado en Matemáticas Aplicadas, recentemente recibiu un Máster en Sonoloxía polo Conservatorio da Haia cunha proxecto sobre estratexias de espacialización difusa. Dende 2012 é candidato doutoral no Sonic Arts Research Center en Belfast (IR).

+ info: www.friendlyvirus.org/miguelnegrao/

 

O espazo

Dende a súa apertura no 2002 a cidadanía viguesa sempre acolleu as propostas do MARCO con especial interese. A programación presenta unha oferta moi variada co obxectivo de conectar cos visitantes e, por riba de todo, crear e fomentar hábitos de consumo cultural. A liña de programación do MARCO céntrase en exposicións temporais, temáticas e colectivas, que dende o 2009 se complementa cunha nova liña de exposicións individuais. O programa educativo e o conxunto de actividades complementarias -xornadas, seminarios, conferencias, concertos, ciclos de cinema…- son outros compoñentes esencias da súa oferta.

Sito no antigo edifico dos xulgados e cárcere de Vigo (1880) —lugar moi vencellado á memoria colectiva— na súa reconversión no centro artístico de referencia en Vigo sufriu unha importante remodelación a cargo do o equipo vigués de arquitectos formado por Manuel Portolés Sanjuán, Francisco Javier García-Quijada Romero e Salvador Fraga Rivas, que mantivo a tipoloxía, distribución e o panóptico central da estructura orixinal o que de feito, constitúe un dos seus principais atractivos.