LSMi

Paneis solares, xiroscopios, acelerómetros, LED de cores, sensores de proximidade IR…. Desenvolvido conxuntamente por David Alonso (Vigo, 1997) e Juanlu Montoro (Almería, 1991), o LSMi, Instrumento de Luz e Movemento Extendido, naceu coa idea de crear/ampliar as posibilidades sonoras dunha mesa de madeira amplificada. A principal característica do LSMi é o uso da luz como fonte de son. En paralelo David Alonso e Pablo Piñeiro (Bueu, 1992) levan anos traballando nun clarinete con control da electrónica dende as propias chaves do instrumento. Neste programa presentan dúas obras nas que combinan o estadio actual de ámbalas dúas investigacións.