140: Migratio #1

Primeiro concerto do proxecto 140: MIGRATIO ao abeiro do 140 aniversario do nacemento de Alfonso Daniel Rodríguez Castelao (1886-1950), unha figura fundamental na cultura, a política e a arte galegas, símbolo da emigración e o exilio galego en Arxentina presentamos esta iniciativa desenvolvida conxuntamente por Icarus vs Muzak (Emilia Romagna, Italia), Vertixe Sonora (Galicia, España) e Mittel und Zweckel (Berlín, Alemania) que promove a súa visibilización e recoñecemento internacional.

Baixo o principio de “gobernar é poboar”, o artigo 25 da Constitución arxentina de 1853 promoveu amplamente a inmigración europea para fomentar o desenvolvemento e o crecemento da poboación do país. A inmigración italiana —case 3 millóns de persoas entre 1850 e 1970, cun pico entre 1870 e 1920— tivo un profundo impacto na sociedade, cultura, economía, lingua e tradicións arxentinas (arredor do 65 % da poboación arxentina ten algún grao de ascendencia italiana). A inmigración española á Arxentina foi particularmente intensa en Galicia. Aproximadamente 1 110 000 galegos chegaron á Arxentina entre 1857 e 1960, fuxindo da pobreza, da falta de oportunidades e, máis tarde, da Guerra Civil española. Concentráronse principalmente en Bos Aires —considerada actualmente a quinta provincia gallega—, onde se converteron no maior grupo de inmigrantes (estímase que o 65 % dos descendentes de españois en Bos Aires e na Gran Bos Aires teñen antepasados ​​galegos).