Marxes

Marxe en canto espazo que rodea e define límites. Marxe coma metáfora de condición periférica ou de discriminación. Partindo deste dobre sentido, neste proxecto catro compositores contemporáneos revisitan repertorios e prácticas asociados a contextos marxinais, poñéndoos en diálogo con técnicas contemporáneas de composición e interpretación. Sustentabilidade, exclusión, inclusión, innovación…, Marxes leva a escena cuestións sociais contemporáneas de gran actualidade.

Fundado en 2014 polo frautista António Carrilho e a pianista Helena Marinho, o Ensemble Borealis destaca no panorama da música clásica portuguesa polo seu enfoque en proxectos de temática innovadora.