A noite
Afundirse na noite! Do mesmo xeito que ás veces metes a cabeza no peito para reflexionar, mergúllate completamente na noite.
Fran Kafka (De noite)
Neste proxecto, homenaxe ao gran escritor checo no centenario da súa morte, entrelázanse cinco paisaxes sonoras para un cuarteto de percusión, electrónica e vídeo que habitan o espazo misterioso das cidades nocturnas.
Son cinco as estreas mundiais de Tiago Morais (POR) Gabriel Bolaños (NI), Wingel Mendoza (MX), Joan Gómez Alemany (ES) e Pablo Chin (CRI) nas que a escuridade avanza e o bulicio desaparece. Cinco escenas nas que non só todo se expresa e se escoita doutro xeito, senón que tamén a vida ten un xeito diferente de ser, de recoñecer, de relacionarse e de sentir.
Un poema tolo que non nos abandona (Para lá da sombra da noite); unha paisaxe escura e surrealista, flotando lentamente polo río nun mundo alleo (Cuarteto de bongós); o encontro nunha rúa con dous descoñecidos; un anel onde unha voz se converte en miles de voces para o combate (Abyss); son e luz entremezclados nunha xeometría enrevesada (Para Vicente Gómez García); efectos güiro e glissandi co ritmo vertixinoso dun soño (Vértice/Ápex/Vértigo);
Explorando o fenómeno da soidade na vida urbana, capturando os intersticios entre o atardecer e o amencer: o baleiro misterioso na madrugada das grandes metrópoles, os traballadores nocturnos que se desprazan por rúas silenciosas, os paxaros que comparten a calor dun letreiro de neón, siluetas misteriosas, vidas na sombra, persoas e lugares solitarios.
EM: Estrea mundial
vídeos
imaxes
